ಬೆಂಗಳೂರು, ಫೆ.03 : ಬೆಂಗಳೂರು ಮೆಟ್ರೋ ರೈಲ್ವೆ ನಿಗಮವು (ಬಿಎಂಆರ್’ಸಿಎಲ್) ನಾಳೆ ಅಂದರೆ ಫೆ.4ರ ಭಾನುವಾರ ಮುಂಜಾನೆ ರೈಲು ಪ್ರಾರಂಭದ ಸಮಯವನ್ನು ಬದಲಾವಣೆ ಮಾಡಿ ಆದೇಶ ಹೊರಡಿಸಿದೆ.
ಕೇವಲ ಒಂದು ದಿನದ ಮಟ್ಟಿಗೆ ಈ ನಿರ್ಧಾರ ಮಾಡಿರುವ ನಮ್ಮ ಮೆಟ್ರೋ ಅಂದು 7 ಗಂಟೆಯ ಬದಲಾಗಿ ಮುಂಜಾನೆ 4.30ಕ್ಕೆ ಮೊದಲ ಸಂಚಾರ ಪ್ರಾರಂಭಿಸುವ ಮೂಲಕ ಪ್ರಯಾಣಿಕರಿಗೆ ಅನುಕೂಲ ಮಾಡಿಕೊಟ್ಟಿದೆ.
ನಗರದಲ್ಲಿ ಭಾನುವಾರ ವಿಶ್ವ ಕ್ಯಾನ್ಸರ್ ದಿನ- ಕ್ಯಾನ್ ವಾಕ್ ಮತ್ತು ಎಕ್ಸ್ ಎಲ್ ರನ್’ಥಾನ್ ಕಾರ್ಯಕ್ರಮಗಳು ಇದ್ದು, ಇವುಗಳಲ್ಲಿ ಸುಗಮವಾಗಿ ಭಾಗವಹಿಸಲು ಮೆಟ್ರೋ ಜನಸ್ನೇಹಿಯಾಗಿ ಆಲೋಚಿಸಿದೆ.