ರಂಗೋಲಿ ಮೂಲಕ ಕಡ್ಡಾಯ ಮತದಾನದ ಜಾಗೃತಿ

ಮೈಸೂರು, ಏ.26: ಪ್ರಜಾಪ್ರಭುತ್ವದಲ್ಲಿ ನಾಗರಿಕ ಹಕ್ಕು ಆದ ಮತದಾನ ಪ್ರಕ್ರಿಯೆಯಲ್ಲಿ ಎಲ್ಲರೂ ಪಾಲ್ಗೊಳ್ಳಬೇಕೆಂದು ಅನೇಕರು ಜಾಗೃತಿ ಮೂಡಿಸುತ್ತಿದ್ದಾರೆ.

ಮೈಸೂರಿನಲ್ಲಿ ಮಹಿಳೆಯೊಬ್ಬರು ತಮ್ಮದೇ ರೀತಿಯಲ್ಲಿ ಮತದಾನದ ಬಗ್ಗೆ ಅರಿವು ಮೂಡಿಸಿರುವುದು ವಿಶೇಷವಾಗಿದೆ.

ಮತದಾನ ದಿನದಂದು ಮನೆಯ ಮುಂದೆ ರಂಗೋಲಿಯ ಮೂಲಕ ಕಡ್ಡಾಯ ಮತದಾನದ ಜಾಗೃತಿ ಮೂಡಿಸಿದ್ದಾರೆ ಸುಧಾ ಪ್ರಸಾದ್.ಇದು ನಿಜಕ್ಕೂ ನಮ್ಮ ನಾಗರೀಕರಲ್ಲಿರುವ ಮತದಾನದ ಮೇಲಿನ ಪ್ರೀತಿಯನ್ನು ತೋರಿಸುತ್ತದೆ.

ಈಕೆ ನಂ.712, ಚಿತ್ರಭಾನು ರಸ್ತೆ, ಇ ಮತ್ತು ಎಫ್ ಬ್ಲಾಕ್, ಕುವೆಂಪು ನಗರ, ಮೈಸೂರು ನಿವಾಸಿ.