ಪಂಚವಟಿಯಲ್ಲಿ ರಾಮನವಮಿ ಪ್ರಯುಕ್ತಡಾ.ನರಸಿಂಹನ್ ಅವರಿಂದ ಪ್ರವಚನ

ಮೈಸೂರು, ಏ.22: ಶ್ರೀ ರಾಮನವಮಿ ಪ್ರಯುಕ್ತ ಮೈಸೂರಿನ ಸಿದ್ದಾರ್ಥ ನಗರದ ಪಂಚವಟಿ ಶ್ರೀ ಸೀತಾರಾಮ ದೇವಾಲಯದಲ್ಲಿ ಇಂದು ಡಾ ನರಸಿಂಹನ್ ಅವರಿಂದ ಪ್ರವಚನ ಏರ್ಪಡಿಸಲಾಗಿತ್ತು.

ಮಂಡ್ಯ ಪಿ ಇ ಎಸ್ ಕಾಲೇಜಿನ ಪ್ರಾಧ್ಯಾಪಕರಾದ ಡಾ.ನರಸಿಂಹನ್ ಅವರು ಶ್ರೀ ರಾಮಗುಣನಾಮ ಎಂಬ ವಿಷಯದ‌ ಕುರಿತು ಪ್ರವಚನ ನಡೆಸಿಕೊಟ್ಟರು.

ಪ್ರವಚನದ ವೇಳೆ ಅಯೋಧ್ಯೆ ಶ್ರೀರಾಮಮಂದಿರ,ರಾಮಲಲ್ಲಾ ಪ್ರತಷ್ಟಾಪನೆ ಕುರಿತು ತಿಳಿಸಿಕೊಟ್ಟರು.

ರಾಮನಲ್ಲಿ‌ ಸೌಶೀಲ್ಯ ಗುಣ ನೋಡಬಹುದು
ರಾಮನಲ್ಲಿ ಮಾತ್ರ ನಾವು ಈ‌ ಗುಣವನ್ನು ಕಾಣಬಹುದು ಎಂದು ಅದನ್ನು ಉದಾಹರಣೆ ಸಹಿತ ವಿವರಿಸಿದರು.

ಗುಣವಾನ್,ವೀರ್ಯ ವಾನ್, ಧರ್ಮಜ್ಞಹಾ,ಕೃತಜ್ಞಹಾ ಎಂಬ ಅನ್ವರ್ಥ ನಾಮಗಳು ಕೂಡಾ ರಾಮನಿಗೇ ಸಲ್ಲಬೇಕು ಎಂದು ಏತಕ್ಕಾಗಿ ಈ ನಾಮಗಳು ರಾಮನಿಗೆ ಅನ್ವರ್ಥ ಎಂಬುದನ್ನು ರಾಮಾಯಣದ ತುಣುಕುಗಳ ಮೂಲಕ ಡಾ ನರಸಿಂಹನ್ ವಿವರವಾಗಿ ತಿಳಿಸಿಕೊಟ್ಟರು.

ಕಾರ್ಯಕ್ರಮ ನಡೆಸಿಕೊಟ್ಟ ಎಲ್ಲರಿಗೂ ಹಾಗೂ ಸೇವಾರ್ಥದಾರರಿಗೆ ದೇವಾಲಯದ ಧರ್ಮದರ್ಶಿ ಗಿಣಿಸ್ವಾಮಿ ಅವರು ಧನ್ಯವಾದ ಸಲ್ಲಿಸಿದರು.

ನಂತರ ಶ್ರೀರಾಮಚಂದ್ರನ ಸನ್ನಿಧಿಯಲ್ಲಿ ಅರ್ಚನೆ,ಮಹಾ ಮಂಗಳಾರತಿ ಮಾಡಿ ಭಕ್ತಾದಿಗಳಿಗೆ ಪ್ರಸಾದ ವಿನಿಯೋಗ ಮಾಡಲಾಯಿತು.