ಬೆಂಗಳೂರು: ಬೆಂಗಳೂರು ವಿಶ್ವವಿದ್ಯಾಲಯದ ವ್ಯಾಪ್ತಿಯಲ್ಲಿ 2004 ರಿಂದ 2020ರ ವರೆಗಿನ ಬ್ಯಾಚ್ಗಳಲ್ಲಿ ಪದವಿ ಪರೀಕ್ಷೆ ಮುಗಿಸಲಾಗದೆ ಅನುತ್ತೀರ್ಣರಾಗಿರುವ ವಿದ್ಯಾರ್ಥಿಗಳಿಗೆ ಪರೀಕ್ಷೆ ಬರೆಯಲು ವಿವಿಯು ಕೊನೆಯ ‘ಒನ್ ಟೈಮ್ ಮೆಜರ್’ (One Time Measure) ವಿಶೇಷ ಅವಕಾಶ ಕಲ್ಪಿಸಿದೆ. ಇದರ ಮುಂದುವರಿದ ಭಾಗವಾಗಿ, ಪರೀಕ್ಷೆಗೆ ಸಂಬಂಧಿಸಿದ ಅಧಿಕೃತ ಪಠ್ಯಕ್ರಮವನ್ನು (Syllabus) ವಿಶ್ವವಿದ್ಯಾಲಯದ ಪರೀಕ್ಷಾ ಶಾಖೆಯು ಇದೀಗ ಪ್ರಕಟಿಸಿದೆ.
2025ರ ಸಾಲಿನಿಂದ ಪರೀಕ್ಷಾ ಶುಲ್ಕ ಪಾವತಿಸಿರುವ ಎಲ್ಲಾ ಅರ್ಹ ವಿದ್ಯಾರ್ಥಿಗಳಿಗೆ ಈ ನಿಯಮ ಅನ್ವಯವಾಗಲಿದ್ದು, 2004 ರಿಂದ 2013 ರ ಬ್ಯಾಚ್ನ ವಿದ್ಯಾರ್ಥಿಗಳಿಗೆ ಸಿದ್ಧಪಡಿಸಲಾಗಿರುವ ವಿಶೇಷ ಪಠ್ಯಕ್ರಮವನ್ನು ವಿಶ್ವವಿದ್ಯಾಲಯದ ಅಧಿಕೃತ ವೆಬ್ಸೈಟ್ನಲ್ಲಿ ಲಭ್ಯವಾಗುವಂತೆ ಮಾಡಲಾಗಿದೆ. ಇನ್ನುಳಿದಂತೆ, 2014 ರಿಂದ 2020 ರ ಬ್ಯಾಚ್ನ ವಿದ್ಯಾರ್ಥಿಗಳ ಪಠ್ಯಕ್ರಮದಲ್ಲಿ ಯಾವುದೇ ಬದಲಾವಣೆ ಇರುವುದಿಲ್ಲ ಎಂದು ಬೆಂಗಳೂರು ವಿಶ್ವವಿದ್ಯಾಲಯದ ಮೌಲ್ಯಮಾಪನ ಕುಲಸಚಿವರು ಪತ್ರಿಕಾ ಪ್ರಕಟಣೆಯಲ್ಲಿ ಸ್ಪಷ್ಟಪಡಿಸಿದ್ದಾರೆ.
ಈ ವಿಶೇಷ ಪರೀಕ್ಷೆಗಳು ಮುಂಬರುವ ಜುಲೈ ಅಥವಾ ಆಗಸ್ಟ್ 2026 ರಲ್ಲಿ ನಡೆಯಲಿದ್ದು, ವಿದ್ಯಾರ್ಥಿಗಳು ವೆಬ್ಸೈಟ್ ಮೂಲಕ ಪಠ್ಯಕ್ರಮದ ವಿವರಗಳನ್ನು ಪಡೆದುಕೊಂಡು ಪರೀಕ್ಷೆಗೆ ಸಿದ್ಧರಾಗಲು ಸೂಚಿಸಲಾಗಿದೆ. ಪಠ್ಯಕ್ರಮ ಹಾಗೂ ಪರೀಕ್ಷೆಯ ಕುರಿತು ಹೆಚ್ಚಿನ ಮಾಹಿತಿ ಅಗತ್ಯವಿರುವ ವಿದ್ಯಾರ್ಥಿಗಳು ಬೆಂಗಳೂರು ವಿಶ್ವವಿದ್ಯಾಲಯದ ಜ್ಞಾನಭಾರತಿ ಆವರಣದಲ್ಲಿರುವ ಪರೀಕ್ಷಾ ಶಾಖೆಯ ‘ಯುಜಿ ಪ್ರಿಪರೇಟರಿ’ (UG Preparatory) ವಿಭಾಗವನ್ನು ಖುದ್ದಾಗಿ ಸಂಪರ್ಕಿಸಬಹುದಾಗಿದೆ.
ವಿವರ:
ಯಾರಿಗೆ ಅವಕಾಶ?: 2004 ರಿಂದ 2020 ರ ಅವಧಿಯಲ್ಲಿ ಅನುತ್ತೀರ್ಣರಾದ ಬೆಂಗಳೂರು ವಿವಿ ಪದವಿ ವಿದ್ಯಾರ್ಥಿಗಳಿಗೆ.
ಯಾವಾಗ ಪರೀಕ್ಷೆ?: ಜುಲೈ / ಆಗಸ್ಟ್ 2026 ರ ವೇಳಾಪಟ್ಟಿ ಪ್ರಕಾರ.
ಪಠ್ಯಕ್ರಮದ ವಿವರ: 2004-2013ರ ವಿದ್ಯಾರ್ಥಿಗಳ ವಿಶೇಷ ಪಠ್ಯಕ್ರಮ ವೆಬ್ಸೈಟ್ನಲ್ಲಿ ಲಭ್ಯ. 2014-2020ರ ವಿದ್ಯಾರ್ಥಿಗಳ ಪಠ್ಯಕ್ರಮದಲ್ಲಿ ಯಾವುದೇ ಬದಲಾವಣೆ ಇಲ್ಲ.
ಅಧಿಕೃತ ವೆಬ್ಸೈಟ್: bangaloreuniversity.karnataka.gov.in