ಯಶ್ ಅವರ ‘ರಾವಣ’ ಅವತಾರದ ಝಲಕ್ ಬೆನ್ನಲ್ಲೇ ರಾವಣನ ಮುಂದೆ ನಿಂತ ರಾಧಿಕಾ ಪಂಡಿತ್

ಬೆಂಗಳೂರು:ಚಿತ್ರರಂಗದ ಬಹುನಿರೀಕ್ಷಿತ ಪೌರಾಣಿಕ ಸಿನಿಮಾದ ಇತ್ತೀಚಿನ ಅಪ್ಡೇಟ್ ಜಾಗತಿಕ ಮಟ್ಟದಲ್ಲಿ ಭಾರಿ ಸಂಚಲನ ಮೂಡಿಸುತ್ತಿದೆ. ಈ ದೃಶ್ಯವೈಭವದಲ್ಲಿ ನಟ ಯಶ್ ಅವರ ‘ರಾವಣ’ನ ಪಾತ್ರದ ಭೀಕರ ಲುಕ್ ಕಂಡ ಸಿನಿರಸಿಕರು ಫುಲ್ ಫಿದಾ ಆಗಿದ್ದಾರೆ.

ಇದೇ ಹೊತ್ತಿನಲ್ಲಿ ಯಶ್ ಅವರ ಧರ್ಮಪತ್ನಿ, ನಟಿ ರಾಧಿಕಾ ಪಂಡಿತ್ ಅವರು ಸಾಮಾಜಿಕ ಜಾಲತಾಣಗಳಲ್ಲಿ ಹಂಚಿಕೊಂಡಿರುವ ಒಂದು ಹೊಸ ಫೋಟೋ ಭಾರಿ ಚರ್ಚೆಗೆ ಕಾರಣವಾಗಿದೆ.

ರಾಧಿಕಾ ಪಂಡಿತ್ ಅವರು ನೀಲಿ ಸಮುದ್ರದ ಹಿನ್ನೆಲೆಯಲ್ಲಿ ಕೈಯಲ್ಲಿ ಕತ್ತಿ ಹಿಡಿದು ನಿಂತಿರುವ ಬೃಹತ್ ರಾವಣನ ಪ್ರತಿಮೆಯ ಮುಂದೆ ನಿಂತು ಮುಗುಳ್ನಗುತ್ತಿರುವ ಸುಂದರವಾದ ಫೋಟೋ ಒಂದನ್ನು ಹಂಚಿಕೊಂಡಿದ್ದಾರೆ.

ಈ ಚಿತ್ರದಲ್ಲಿ ಬಿಳಿ ಬಣ್ಣದ ಡಿಸೈನರ್ ಲಾಂಗ್ ಗೌನ್ ಹಾಗೂ ಕೂಲಿಂಗ್ ಗ್ಲಾಸ್ ಧರಿಸಿ ಅತ್ಯಂತ ಸ್ಟೈಲಿಶ್ ಆಗಿ ಕಾಣಿಸಿಕೊಂಡಿರುವ ಅವರು ಅಭಿಮಾನಿಗಳಿಗೆ ಒಂದು ಒಗಟು ಇಟ್ಟಿದ್ದಾರೆ.

ಫೋಟೋದ ಜೊತೆಗೆ ಅವರು “If you know, you know 😝🧿” (ಅಂದರೆ ತಿಳಿದವರಿಗೆ ಮಾತ್ರ ಗೊತ್ತು) ಎಂದು ಬರೆದುಕೊಂಡು ತುಂಟ ನಗುವಿನ ಎಮೋಜಿ ಬಳಸಿದ್ದಾರೆ.

ಅಭಿಮಾನಿಗಳ ತಮಾಷೆಯ ಕಮೆಂಟ್‌ಗಳು:

ತೆರೆಯ ಮೇಲೆ ಯಶ್ ರಾವಣನಾಗಿ ಅಬ್ಬರಿಸಲು ಸಜ್ಜಾಗುತ್ತಿದ್ದರೆ, ಇತ್ತ ರಾಧಿಕಾ ಅವರು ರಾವಣನ ಪ್ರತಿಮೆಯ ಮುಂದೆ ಕ್ಯೂಟ್ ಆಗಿ ಪೋಸ್ ಕೊಟ್ಟಿರುವುದನ್ನು ಕಂಡು ಅಭಿಮಾನಿಗಳು ಸಖತ್ ಎಂಜಾಯ್ ಮಾಡುತ್ತಿದ್ದಾರೆ.

“ನಮ್ಮ ರಾವಣ ಬಾಸ್‌ಗೇ ನಮ್ಮ ಅತ್ತಿಗೆಯೇ ಅಸಲಿ ಬಾಸ್!” ಹಾಗೂ “ಲಂಕಾಧಿಪತಿಯನ್ನು ಕಂಟ್ರೋಲ್ ಮಾಡುವ ಶಕ್ತಿ ಸಿಂಡ್ರೆಲಾಗೆ ಮಾತ್ರ ಇರೋದು” ಎಂದು ನೆಟ್ಟಿಗರು ಕಮೆಂಟ್ ಬಾಕ್ಸ್‌ನಲ್ಲಿ ಸಖತ್ ಕಾಲೆಳೆಯುತ್ತಿದ್ದಾರೆ.

ಪ್ರಸ್ತುತ ಯಶ್ ಅವರು ನಟಿಸುತ್ತಿರುವ ಈ ಬಿಗ್ ಬಜೆಟ್ ಪೌರಾಣಿಕ ಚಿತ್ರವು ಭಾರಿ ಕುತೂಹಲ ಮೂಡಿಸಿದ್ದು, ಚಿತ್ರಮಂದಿರಗಳಲ್ಲಿ ಅಬ್ಬರಿಸಲು ಸಜ್ಜಾಗುತ್ತಿದೆ.

ಈ ದೊಡ್ಡ ಸಿನಿಮಾದ ಹೈಪ್ ನಡುವೆ ರಾಧಿಕಾ ಪಂಡಿತ್ ಅವರ ಈ ಸೂಕ್ತ ಟೈಮಿಂಗ್ ಪೋಸ್ಟ್ ಸೋಷಿಯಲ್ ಮೀಡಿಯಾದಲ್ಲಿ ಸಖತ್ ಸೌಂಡ್ ಮಾಡುತ್ತಿದೆ.