ಸಾಲ ಬಾಧೆ: ಮನ ನೊಂದು ರೈತ ಆತ್ಮಹತ್ಯೆ

ಮಂಡ್ಯ,ಜು.25: ಸಾಲಭಾಧೆಯಿಂದ ಮನ ನೊಂದು ರೈತ ಆತ್ಮಹತ್ಯೆ ಮಾಡಿಕೊಂಡ ಘಟನೆ ಮಂಡ್ಯ ಜಿಲ್ಲೆ ತಂಗಳಗೆರೆ ಗ್ರಾಮದಲ್ಲಿ ನಡೆದಿದೆ.

ಚಂದ್ರಶೇಖರ್(34) ಆತ್ಮಹತ್ಯೆ ಮಾಡಿಕೊಂಡ ರೈತ.ಚಂದ್ರಶೇಖರ್ ಸಾಲ ಮಾಡಿ ಬೋರ್ ವೆಲ್ ಕೊರೆಸಿದ್ದರು.

ಕಳೆದ ವರ್ಷ ಮಳೆ, ಬೆಳೆ ಇಲ್ಲದೇ ನಷ್ಟವುಂಟಾಗಿತ್ತು,ಕೃಷಿ ಹಾಗೂ ಮನೆ ಕಟ್ಟಲು, ಬ್ಯಾಂಕಿನಿಂದ ಹಾಗೂ ಕೈ ಸಾಲ ಮಾಡಿದ್ದರು.

ಆದರೆ ಬೆಳೆ ನಷ್ಟ ವಾಗಿ ಸಾಲ ತೀರಿಸಲಾಗದೆ ಬೇಸರಗೊಂಡಿದ್ದರು.
ಮನೆಯಲ್ಲೇ ವಿಷ ಸೇವಿಸಿ ಚಂದ್ರಶೇಖರ್ ಆತ್ಮಹತ್ಯೆ ಮಾಡಿಕೊಂಡಿದ್ದಾರೆ.

ಬಸರಾಳು ಪೊಲೀಸರು ಸ್ಥಳಕ್ಕೆ ಭೇಟಿ ನೀಡಿ ಪರಿಶೀಲಿಸಿ ಪ್ರಕರಣ ದಾಖಲಿಸಿಕೊಂಡು ಮುಂದಿನ ಕ್ರಮ ಕೈಗೊಂಡಿದ್ದಾರೆ.